سابق وزیراعظم بے نظیر بھٹو شہید اور سابق صدر آصف علی زرداری کی بیٹی بختاور بھٹو نے جذباتی پیغام جاری کردیا۔ ان کا کہنا ہے کہ آج کا دن میرے لیے ایک حساس اور جذباتی دن ہے ، میں تمام لوگوں کی دعاؤں اور محبتوں پر ان کی شکر گزار ہوں۔
سماجی رابطے کی ویب سائٹ ٹویٹر پر اپنے پیغام میں بختاور بھٹوزرداری نے کہا کہ میں بالخصوص پی پی فیملی کی محبتوں اور دعاوؤں پر شکریہ ادا کرتی ہوں ، جانتی ہوں کہ میری پی پی پی فیملی میری ان خوشیوں میں شریک ہونا چاہتی ہے ۔ انشااللہ ابھی یہ ایک ابتداء ہے ، کورونا کے بعد ہم یہ خوشیاں ساتھ منائیں گے جبکہ میری والدہ اور ہماری فیملی کو دعاوؤں میں یاد رکھیں۔
بختاور بھٹو نے انتہائی جذباتی بیان جاری کردیا
Very sentimental & emotional day. So grateful for everyone’s love & prayers. Especially our PPP family whom I know are eager to participate. InshAllah this is only the beginning – will be able to celebrate in a post Covid world. Please keep SMBB and our family in your prayers💗🤗
— Bakhtawar B-Zardari (@BakhtawarBZ) November 27, 2020
بختاور بھٹو کا سسرال کہاں بنے گا؟؟
لاہور میں بختاور بھٹوزرداری بیاہ کر جائیں گی۔ بلاول ہاؤس کراچی میں یونس چودھری کے بیٹے محمود چودھری کے ساتھ ان کی منگنی ہونے جارہی ہے۔
محمود چودھری کون ہیں؟؟
آرائیں برادری سے تعلق رکھنے والے محمود چودھری کا لاہور میں مصری شاہ کے علاقے فاروق گنج میں آبائی گھر ہے۔ پانچ بہن بھائیوں میں سب سے چھوٹے محمود چودھری دبئی میں انیس سو اٹھاسی میں پیدا ہوئے تھے۔ محمود چودھری کے والد یونس چودھری برسوں پہلے متحدہ عرب امارات چلے گئے تھے۔
مزید پڑھیں:محسن داوڑ پیپلزپارٹی میں شامل؟؟
بختاور بھٹو کے منگیتر محمود چودھری نے ابتدائی تعلیم دبئی میں حاصل کی۔ اس کے بعد وہ برطانیہ کے کنگ ایڈورڈ اسکول ، سرے اور درہم یونیورسٹی سے قانون کی تعلیم مکمل کی۔ محمود چودھری نے 2012 میں پیپلز پارٹی میں شمولیت حاصل کی۔
