سدھارتھ شکلا کے لئے گایا گیا شہنازگل کا گانا ’تو یہیں ہے‘ خوب پسند کیا جا رہا ہے۔ مداح سڈناز کو یاد کرکے جذباتی ہو رہے ہیں اور اس ضمن میں اب افغانستان کے کرکٹر راشد خان کا نام بھی جڑ گیا ہے۔ راشد خان نے شہناز گل کے گانے پر تبصرہ کرتے ہوئے ان کے لئے دعا کی ہے۔
اس گانے کو سننے کے بعد سدھارتھ شکلا اور شہناز گل کے مداح جذباتی ہوگئے ہیں۔ مداحوں کو ایک بار پھر آنجہانی اداکار سدھارتھ شکلا کی یاد آگئی ہے۔ سدھارتھ شکلا کو یاد کرکے ان کے مداحوں کی آنکھیں نم ہوگئی ہیں۔ یوٹیوب پر یہ گانا خوب پسند کیا جا رہا ہے۔ مداح سڈناز کو یاد کرکے جذباتی ہو رہے ہیں اور اس ضمن میں اب افغانستان کے کرکٹر راشد خان کا نام بھی جڑ گیا ہے۔
راشد خان نے شہناز گل کے گانے پر ردعمل میں شہناز گل کے لئے دعا کی ہے۔ راشد خان سوشل میڈیا پر شہناز گل کو فالو کرتے ہیں- انہوں نے ’تو یہیں ہے‘ سننے کے بعد شہناز گل کے لئے طاقت اور خوشی کی دعا کی ہے۔ اس گانے میں شہناز گل اور سدھارتھ شکلا کے ’بگ باس 13‘ میں گزارے
گئے دنوں کو دکھایا گیا ہے۔
ویڈیو میں شہناز گل اور سدھارتھ شکلا کے درمیان کی کیمسٹری اور پیار بھرے رشتوں کو دکھایا گیا ہے۔ بگ باس میں ہی نہیں، باہر کئی شوز اور میڈیا کے سامنے بھی سدھارتھ شکلا سے متعلق شہناز گل اپنا پیار ظاہر کرنے سے کبھی نہیں ہچکچائیں اور اب ان کا یہی پیار اس ویڈیو میں بھی دیکھنے کو مل رہا ہے۔
