پی ٹی آئی رہنما شہباز گل کو گرفتار کر لیاگیا۔ مراد سعید نے ٹوئٹر پیغام کے ذریعے یہ دعویٰ کیا جس کے بعد فرخ حبیب اور فواد چودھری نے بھی تصدیق کر دی۔
فواد چودھری نے کہا شہباز گل کو بغیر نمبر پلیٹ گاڑیوں میں بنی گالہ چوک سے اغوا کیا گیا۔ فواد چودھری کے مطابق شہباز گل کے ڈرائیور کو تشدد کا نشانہ بھی بنایا گیا۔ شبہاز گل کے ٹوئٹر ہینڈل سے بھی ان کی گرفتاری کی ٹویٹ کو ری ٹویٹ کیا گیا ہے۔
یہ بھی پڑھیں: پاکستان تحریک انصاف نے 13 اگست کو جلسے کے لیے شہر تبدیل کر دیا
مراد سعید نے ٹویٹر پر ایک تصویر بھی شیئر کی جس میں ایک شخص کو فرش پر بیٹھے دیکھا جا سکتا ہے۔ مراد سعید نے کہا کہ شہباز گل کے اسسٹنٹ کو تشدد کا نشانہ بنایا گیا۔ شہباز گل کے ٹوئٹر ہینڈل سے ٹویٹ میں یہ بھی کہا گیا کہ شہباز گل کو بھی تشدد کا نشانہ بنایا گیا۔
