بالی ووڈ کے بادشاہ شاہ رخ خان کا ائیرپورٹ پر تلاشی کے دوران اپنا مخصوص پوز دینا سوشل میڈیا پر وائرل ہوگیا۔
سوشل میڈیا پر تیزی سے وائرل ہونے والی ویڈیو میں دیکھا جا سکتا ہے کہ شاہ رخ خان ائیرپورٹ پر موجود ہیں اور ایک اہلکار ان کی باڈی سرچنگ کر رہا ہے۔
https://www.instagram.com/reel/CuUzi5ksskO/?utm_source=ig_embed&ig_rid=c2d4dbec-e8e5-4df7-9668-79576e7de53c
بالی ووڈ کنگ نے تلاشی پر برا ماننے کے بجائے اپنے مشہور رومینٹک انداز میں ہاتھ پھیلا کر پوز بنایا جس پر تلاشی لینے والا اہلکار ہنس پڑا۔ شاہ رخ خان نے سکون سے مکمل تلاشی کروائی اور اہلکار سے ہاتھ ملا کر ہنستے ہوئے روانہ ہوگئے۔
شاہ رخ خان کی فلم ’پٹھان‘ کو کسی پروموشن مہم کی ضرورت نہیں، فلم ڈائریکٹر
شاہ رخ خان کی جانب سے قانون کے احترام اور اپنے فرائض خوش اسلوبی سے انجام دینے والے اہلکار کے ساتھ اچھے سلوک پر مداحوں نے شاہ رخ خان کو بہت سراہا اور انہیں انسان دوست قرار دیا۔
