روسی صدر پیوٹن نے یوکرین میں فوجی آپریشن کا حکم دے دیا۔ روسی صدر پیوٹن نے کہا کہ روس یوکرین پر قبضے کا منصوبہ نہیں رکھتا- روسی فوجی کارروائی کا مقصد یوکرین کو غیر عسکری کرنا ہے- یوکرینی فوجی ہتھیار چھوڑ کر گھر چلے جائیں۔
دوسری جانب یوکرین کے دارلحکومت کیف میں دھماکوں کی آوازیں سنی گئی ہیں، کیف میں 5 سے 6 دھماکوں کی آوازیں گونجنے کی اطلاعات ہیں جبکہ ملک کے دیگر حصوں میں بھی دھماکوں کی اطلاعات ہیں۔
یوکرین میں فوجی تنصیبات پر راکٹ حملے شروع ہو چکے ہیں- یوکرینی وزیر خارجہ کا کہنا ہے کہ ہمارے پرامن شہروں پر حملے جاری ہیں- جبکہ وزیر داخلہ نے اعلان کیا ہے کہ یوکرین پر روسی حملہ ہو چکا ہے۔
روس یوکرین تنازعہ پر سلامتی کونسل کا 3دن میں دوسراہنگامی اجلاس جاری ہے- اقوام متحدہ کے سیکریٹری جنرل نے خطے کی بگڑتی صورتحال پراظہارتشویش کیا- سیکریٹری جنرل نے اپیل کی کہ پیوٹن اپنےفوجیوں کویوکرین پرحملےسے روکیں۔
