راکھی ساونت کی تیسری شادی؟ پاکستانی اداکار ڈوڈی خان سے رشتہ جوڑنے لاہور پہنچ رہی ہیں۔
لاہور: بھارتی اداکارہ راکھی ساونت، جو ہمیشہ تنازعات میں گھری رہتی ہیں، حال ہی میں پاکستانی اداکار ڈوڈی خان کے ساتھ شادی کے بندھن میں بندھنے کے لیے لاہور پہنچ رہی ہیں۔
ہانیہ عامر کے ساتھ کام اور پاکستان میں شادی کا عندیہ
بھارتی میڈیا رپورٹس کے مطابق، راکھی ساونت نے اپنی لاہور آمد کی تصدیق کرتے ہوئے کہا ہے کہ وہ پاکستانی اداکارہ ہانیہ عامر کے ساتھ ایک پروجیکٹ پر کام کرنے کے لیے یہاں آئی ہیں۔ تاہم، ان کے اس دورے کی سب سے بڑی وجہ ڈوڈی خان کے شادی کے پروپوزل کو قبول کرنا ہے۔
راکھی ساونت کا کہنا ہے کہ ڈوڈی ان کی محبت ہیں اور وہ دونوں ایک دوسرے کو دل سے چاہتے ہیں۔
انڈین اداکارہ راکھی ساونت کے سابق شوہر عادل خان نے دوسری شادی کرلی
شادی پاکستان میں، استقبالیہ بھارت میں
راکھی نے مزید کہا کہ چونکہ ڈوڈی پاکستان سے تعلق رکھتے ہیں اور وہ خود بھارت سے ہیں، اس لیے ان کی شادی ایک بین الاقوامی لو میرج ہوگی۔ انہوں نے واضح کیا کہ ان کی شادی پاکستان میں اسلامی رسومات کے مطابق ہوگی، جبکہ استقبالیہ بھارت میں منعقد کیا جائے گا۔
راکھی ساونت کا سوشل میڈیا پر اعلان
راکھی ساونت نے اپنے انسٹاگرام اکاؤنٹ پر ڈوڈی خان کی ایک ویڈیو بھی شیئر کی، جس میں ڈوڈی خان راکھی سے دریافت کر رہے ہیں کہ شادی کے موقع پر انہیں بھارت یا دبئی جانا چاہیے۔ ویڈیو کے آخر میں ڈوڈی خان نے راکھی سے محبت کا اظہار کرتے ہوئے “لو یو” کہا۔
ڈانس چیلنج اور نریندر مودی کو پیغام
قبل ازیں، راکھی ساونت نے پاکستان آمد کے اعلان کے ساتھ ہی پاکستان کی مشہور ڈانسرز نرگس اور دیدار کو ڈانس آف کا چیلنج بھی دیا تھا۔ اس کے علاوہ، انہوں نے بھارت میں ٹک ٹاک پر عائد پابندی کے حوالے سے وزیر اعظم نریندر مودی سے اپیل کی تھی کہ اگر پابندی ہٹائی نہ گئی تو وہ پاکستان چلی جائیں گی۔
ہنی مون اور مستقبل کے منصوبے
راکھی ساونت نے بتایا کہ وہ اپنے ہنی مون کے لیے سوئٹزرلینڈ یا ہالینڈ جائیں گی اور دبئی میں اپنی نئی زندگی کا آغاز کریں گی۔
راکھی ساونت کی تیسری شادی؟
یہ یاد رہے کہ یہ راکھی ساونت کی تیسری شادی ہوگی۔ اس سے قبل وہ عادل درانی اور ریتیش راج سنگھ کے ساتھ رشتہ ازدواج میں منسلک رہی تھیں، تاہم دونوں شادیاں ناکام ہو چکی ہیں۔
راکھی ساونت کی مسلمان نوجوان لڑکے اور لڑکیوں کو پابندی سے نماز پڑھنے کی تلقین
