چیئرمین تحریک انصاف عمران خان کا کہنا ہے کہ وزیراعظم تھا تو آرمی چیف کی تعیناتی کے بارے میں سوچا بھی نہیں تھا۔ جنرل قمر باجوہ کو کہا تھا کہ آپ بتائیں اگلا آرمی چیف کون ہوگا۔
اپنے ایک انٹرویو میںعمران خان نے کہا کہ ڈی جی آئی ایس آئی وزیراعظم کے ساتھ براہ راست رابطے میں ہوتےہیں- ڈی جی آئی ایس آئی کے علاوہ کسی اور جنرل کو نہیں جانتا تھا۔
ان کا کہنا تھا کہ خرم دستگیر کا ضمیر جاگ گیاہے،اس نے سچ بول دیا ہے۔ عمران خان نے کہا آرمی چیف کی تعیناتی کیلئے نوازشریف اور زرداری پریشان ہوتےہیں۔ یہ لوگ کرپشن کرتےہیں اور چاہتے ہیں پاک فوج کو بھی پولیس بنایاجائے۔ اپنی کرپشن چھپانے کیلئے یہ لوگ ادارے تباہ کرتے ہیں۔
عمران خان نے کہا کہ جب عوام باہر نکلے تو میرے خلاف پلان بی بنایا گیا۔ یہ چاہتے تھے مجھے نکالاجائے۔ خفیہ کمرے میں ہونے والے اجلاس کے بارے میں علم ہوا تو ویڈیو ریکارڈ کراکے محفوظ مقام پر رکھی۔ ویڈیو میں بتایا سازش میں کون کون ملوث ہیں۔
