سپریم کورٹ کے حکم پر چودھری پرویزالہیٰ نے رات دو بجے وزیراعلیٰ پنجاب کےعہدے کا حلف اٹھا لیا۔
حلف برداری کی تقریب ایوان صدر اسلام آباد میں ہوئی جہاں صدر مملکت ڈاکٹرعارف علوی نے چودھری پرویزالہیٰ سےحلف لیا، تقریب میں تحریک انصاف کے رہنما بھی شریک ہوئے۔
وزیراعلیٰ پنجاب چودھری پرویز الہیٰ نے صدرعارف علوی سے ملاقات کی- جہاں صدر نے وزرات اعلی کا منصب سنبھالنے پر انہیں مبارکباد پیش کی۔
سپریم کورٹ نے حمزہ شہباز کو وزارت اعلی بنانے کے فیصلے کو کالعدم قرار دیا تھا- عدالت نے رات ہی پرویز الہی سے حلف لینے کی ہدایت کی تھی- تاہم گورنر پنجاب نے پرویز الہیٰ سے وزیراعلیٰ کا حلف لینے سے معذرت کی تھی۔
