آر یا پار؟؟ پاکستان اور آسٹریلیا کے درمیان ٹی 20 ورلڈکپ کے سیمی فائنل کی جنگ آج ہوگی-ناقابل شکست شاہینوں نے کینگروز کو دبوچنے کی تیاری کرلی۔ بابراعظم اور محمدرضوان چوکے چھکے لگائیں گے۔ شاہین آفریدی اور حارث رؤف وکٹیں اڑائیں گے۔ قومی ٹیم فتوحات کا سلسلہ برقرار رکھنے کے عزم کے ساتھ میدان میں اترے گی۔
پاکستانی ٹیم موجودہ ورلڈکپ کی ناقابل شکست ٹیم ہے۔ آسٹریلیا کو گروپ میچوں میں انگلینڈ کے ہاتھوں شکست کا سامنا کرنا پڑا تھا۔ ٹی ٹوئنٹی فارمیٹ میں دونوں ٹیموں کا تئیس مرتبہ ٹاکرا ہوا۔ پاکستان نے بارہ میچوں میں کامیابی حاصل کی۔ نو میں شکست کا سامنا کرنا پڑا۔
پاکستانی وقت کے مطابق شام سات بجے دبئی کے میدان میں شاہینوں اور کینگروز کا مقابلہ ہوگا-
