قومی کرکٹر محمد عامر نے انٹرنیشنل کرکٹ سے بریک لینے کا فیصلہ کرلیا۔ کرکٹر محمد عامر کا کہنا ہے کہ انہیں مینٹل ٹارچر کیا جارہا ہے۔ پی سی بی کی موجودہ مینجمنٹ کے ساتھ کرکٹ نہیں کھیل سکتا۔
ایک ویڈیو پیغام میں محمد عامر نے کہا کہ پرفارمنس کے باوجود ان پر طنز کیا جاتا ہے۔ اس وقت ہی ویک اپ کال مل گئی تھی۔ جب نیوزی لینڈ کے لیے 35 رکنی اسکواڈ میں شامل نہیں کیا گیا تھا۔
فاسٹ بالر محمد عامر نے کہا کہ ان کے بارے میں تاثر قائم کیا گیا کہ وہ ملک کیلئے نہیں کھیلنا چاہتا۔محمد عامر نے کہا ہے کہ مستقبل کا باقاعدہ اعلان 2 روز میں کروں گا۔
