کراچی کے علاقے شیر شاہ میں دھماکے سے 10 افراد جاں بحق ہوگئے۔ شیرشاہ پراچہ چوک کے قریب ہونے والے دھماکے سے عمارت کی دیواریں گر گئیں۔ دھماکے کی نوعیت جاننے کی کوشش کی جا رہی ہے۔
دھماکہ اتنا شدید تھا کہ گاڑیوں کو بھی نقصان پہنچا۔ دھماکے میں متعدد افراد زخمی ہوئے ہیں۔ ابتدائی معلومات کے مطابق دھماکہ شیر شاہ پراچہ چوک پر عمارت کے گراونڈ فلور پر ہوا۔ ملبے تلے متعدد افراد کے دبنے کا خدشہ ہے۔ اطلاعات کے مطابق دھماکہ نالے میںگیس بھر جانے سے ہوا- بتایا جارہا ہے کہ نالے کے اوپر تباہ ہونے والی عمارت کھڑی تھی-
رینجرزکی جانب سےجائے وقوعہ کا گھیراؤ کرلیا گیا ہے۔ دھماکے میں زخمی ہونے والے متعدد افراد کو طبی امداد کے لیےقریبی اسپتال منتقل کردیا گیا ہے۔ ترجمان سندھ رینجرز کے مطابق شیرشاہ دھماکے کی نوعیت کا تعین کیا جا رہا ہے۔
