ایک ہفتے میں مہنگائی کی شرح بارہ اعشاریہ ستاسٹھ فیصد تک پہنچ گئی۔ ادارہ شماریات نے مہنگائی سے متعلق ہفتہ وار رپورٹ جاری کر دی۔ رپورٹ کے مطابق 51 اشیاء میں سے ایک ہفتے میں 22 کی قیمتوں میں اضافہ ہوا۔
ادارہ شماریات کی رپورٹ کے مطابق 5 اشیاء کی قیمت میں کمی اور 24 اشیاء کی قیمتوں میں استحکام رہا۔ ایک ہفتے میں زندہ مرغی کی فی کلو قیمت میں 15 روپے 30 پیسے اضافہ ہوا- دال مسور کی قیمت میں 14 روپے 66 پیسے کا اضافہ ریکارڈکیا گیا-
رپورٹکے مطابق پیاز 3 روپے 36 پیسے جبکہ لہسن کی فی کلو قیمت میں 12 روپے سے زائد کا اضافہ ہوا۔ ادارہ شماریات کے مطابق ایک ہفتے کے دوران انڈے فی درجن 5 روپے تک مہنگے ہوئے۔
آٹے کا 20 کلو کا تھیلا بھی 4 روپے تک مہنگا ہوا۔ ٹماٹر کی فی کلو قیمت میں 24 روپے 13 پیسے جبکہ ایل پی جی گھریلو سلنڈر کی قیمت میں 53 روپے 36 پیسے کی کمی ہوئی۔
