سابق وزیراعظم عمران خان کو ایک ہی دن 2 مقدمات میں ضمانت مل گئی۔انسداد دہشتگردی کی عدالت نے خاتون جج کو دھمکی کے کیس میں ایک لاکھ کے مچلکوں کے عوض عبوری ضمانت منظور کرلی- سیشن عدالت نے دفعہ 144 کی خلاف ورزی کے مقدمے میں 5 ہزار روپے کے مچلکوں کے عوض عبوری ضمانت منظور کرلی۔
خاتون جج اورپولیس افسران کے بارے میں دھمکی آمیز پر دہشتگردی کا مقدمہ۔ سابق وزیراعظم عمران خان پارٹی رہنمائوں کے ہمراہ انسداد دہشتگردی کی عدالت کے جج راجہ جواد عباس کے روبرو پیش ہوئے۔
یہ بھی پڑھیں:پیمرا نے عمران خان کی تقاریر براہ راست دکھانے پر پابندی لگا دی
دوران سماعت عمران خان کے وکیل بابر اعوان نے دلائل میں عدالت کو بتایا کہ پراسیکیوشن کے مطابق 3 لوگوں کو دھمکیاں دی گئیں۔۔۔آئی جی،ایڈیشنل آئی جی اور خاتون جج کا نام لکھا گیا۔ ان تینوں میں سے کوئی بھی مدعی نہیں بنا اور پولیس نے دہشت گردی کا مقدمہ درج کر لیا-
انسداد دہشت گردی کی عدالت نے دلائل سننے کے بعد عمران خان کی ضمانت قبل از گرفتاری کی درخواست منظور کرلی- عدالت نے ایک لاکھ کے ضمانتی مچلکے جمع کروانے اور یکم ستمبر کو دوبارہ پیش ہونے کا حکم دے دیا۔ بابر اعوان نے استدعا کی کہ عمران خان 9 حلقوں میں ضمنی الیکشن لڑ رہے ہیں۔ لہذا زیادہ مدت کے لیے عبوری ضمات دی جائے۔ جسے جج نے مسترد کرتے ہوئے ریمارکس دیئے کہ ابھی یکم ستمبر تک ہی عبوری ضمانت دے رہے ہیں۔
ضرور پڑھیں: شہبازگل کو مزید ٹیسٹوں کے لیے وارڈز میںمنتقل کردیا گیا
دوسری جانب عمران خان دفعہ 144 کی خلاف ورزی پر تھانہ آبپارہ میں درج مقدمے میں ضمانت کےلیے سیشن عدالت پہنچے۔ایڈیشنل سیشن جج طاہرعباس سپرا نے سماعت کی۔وکلا کے دلائل کے بعد عدالت نے عمران خان کی عبوری ضمانت 5 ہزار روپے کے مچلکوں کے عوض 7 ستمبر تک منظور کرلی۔ سیشن عدالت نے اسد عمر اور شہریارآفریدی کی بھی 7 ستمبر تک عبوری ضمانت منظور کرلی۔
