بجلی، گیس مزید مہنگی ہوں گی، پیٹرول، ڈیزل پر لیوی بھی لگے گی، حکومت نے آئی ایم ایف کو یقین دہانی کرا دی- پیٹرول اور بجلی پر سبسڈیز ختم کرنے کا وعدہ کرلیا۔
لیٹر آف انٹینٹ میں ستائیس نکات پر عملدرآمد کی یقین دہانی کرادی گئی۔ پاکستان نے آئی ایم ایف کو لیٹر میں لکھ اہے کہ پیٹرولیم مصنوعات پر ڈویلپمینٹ لیوی کی شرح میں بتدریج اضافہ کیا جائے گا۔ بجلی کے بنیادی نرخوں اور گیس کے نرخوں میں اضافہ ہو گا- تیل اور بجلی پر دی گئی تمام سبسڈیز کو ختم کیا جائے گا۔
پاکستان اور آئی ایم ایف کے درمیان لیٹر آف انٹینٹ کی کاپی سامنے آگئی۔ لیٹر آف انٹینٹ میں کہا گیا ہے کہ ڈالر کی قدر کا تعین مارکیٹ بیس ہو گا۔ایف اے ٹی ایف شرط کے مطابق اینٹی منی لانڈرنگ فریم ورک پر عملدرآمد کیا جائے گا۔
درآمدی اشیا پر پابندی پر نظرثانی جنوری 2023 میں صورتحال دیکھنے کے بعد ہو سکے گی۔۔خسارے میں چلنے والے اداروں میں گورننس اور شفافیت کا نظام وضع کیا جائے گا۔۔گردشی قرضوں کو کنٹرول کرنے کیلئے مانیٹرنگ اور ادائیگیوں کا نظام بہتر کیا جائے گا۔
