چھوٹی اسکرین کا بھولا اب بڑی اسکرین پر بھی چھا جانے کو تیار ہے- مقبول اداکار عمران اشرف کی نئی رومانٹک کامیڈی مصالحہ فلم ’دم مستم‘ کا ٹریلر جاری کردیا گیا- فلم کو رواں برس عید الفطر پر ریلیز کرنے کا اعلان کردیا گیا۔ ’دم مستم‘ کو ابتدائی طور پر 2020 میں ریلیز کیا جانا تھا- لیکن کورونا کے باعث اس کی نمائش میں تاخیر ہوئی۔
اب طویل عرصے بعد ’دم مستم‘ کا ڈھائی منٹ دورانیے سے زائد کا ٹریلر جاری کردیا گیا-
’دم مستم‘ کی خاص بات عمران اشرف کا بڑے پردے پر ڈیبیو ہے- اداکارہ امر خان بھی بطور فلم لکھاری متعارف ہونے جا رہی ہیں۔ علاوہ ازیں ’دم مستم‘ اداکار عدنان صدیقی کی پروڈیوس کردہ پہلی فلم بھی ہوگی-
’دم مستم‘ کی کہانی امر خان اور عمران اشرف کے رومانس اور بچپن کے پیار، دوستی اور لڑائیوں کے گرد گھومتی ہے۔ ٹریلر سے عندیہ ملتا ہے کہ امر خان بطور ڈانسر اپنا کیریئر بنانا چاہتی ہیں- انہیں عدنان صدیقی کی کمپنی بہت بڑا موقع فراہم کرتی ہے۔ ساتھ ہی ٹریلر سے معلوم ہوتا ہے کہ عمران اشرف بھی ایک چانس ملنے کے بعد سپر اسٹار گلوکار بن جاتے ہیں۔
فلم میں رومانس اور کامیڈی کے علاوہ مصالحہ بھی دیکھنے کو ملے گا جب کہ فلم میں آئٹم سانگس بھی شامل ہوں گے۔ فلم کی دیگر کاسٹ میں سہیل احمد، سلیم معراج اور عدنان شاہ ٹیپو شامل ہیں- فلم کی ہدایات ’سپر اسٹار‘ کی ہدایات دینے والے محمد احتشام الدین نے دی ہے- جب کہ اسے عدنان صدیقی کے ہمراہ اختر حسنین نے پروڈیوس کیا ہے۔
فلم کی موسیقی اذان سمیع خان، شیراز اپل زئی اور بلال سعید نے دی ہے۔
دم مستم یقیناً ایک اچھی فلم ثابت ہوگی
شکریہ