لاہور کی انسداد دہشتگردی عدالت نے جلاؤ گھیراؤ کے 3 مقدمات میں عمران خان کے ضمانتی مچلکے منظور کر لئے۔
سابق وزیراعظم عمران خان جناح ہاؤس حملہ کیس سمیت جلاؤ گھیراؤ کے 3 مقدمات میں ضمانتی مچلکے جمع کرانے انسداد دہشت گردی عدالت لاہور میں پیش ہوئے۔
عمران خان اتنا آگے جاچکا ہے کہ اس سے مذاکرات نہیں ہوسکتے، وزیردفاع
چیئرمین پاکستان تحریک انصاف عمران خان انسداد دہشتگردی عدالت کے جج اعجاز احمد کے روبرو پیش ہوئے اور ضمانتی مچلکے جمع کرائے، عدالت نے عمران خان کے ضمانتی مچلکے منظور کر لئے۔ عدالت نے آج عمران خان کو ضامن کے ساتھ خود بھی پیش ہونےکا حکم دیا تھا-
عدالت نے 9 مئی واقعات کے مقدمات میں عمران خان کی 2 جون تک عبوری ضمانت منظور کر رکھی ہے۔
جلد وقت تبدیل ہوگا اور آنے والے دنوں میں بہت بڑا سرپرائز دوں گا، عمران خان
عدالت نے عمران خان کو تینوں مقدمات میں ایک ایک لاکھ کے مچلکے جمع کرانے کی ہدایت کی تھی۔عمران خان مچلکے جمع کرانے کے بعد عدالت سے روانہ ہو گئے۔سابق وزیراعظم عمران خان کیخلاف لاہورکےمختلف تھانوں میں جناح ہاؤس حملہ، عسکری ٹاور حملہ اور جلاؤ گھیراؤکے 3 مقدمات درج ہیں۔
بانی رکن اور سابق گورنر عمران اسماعیل بھی عمران خان کو خدا حافظ کہہ گئے
عمران خان کی گاڑی کو انسداد دہشت گردی عدالت میں لانے کی اجازت دی گئی- عمران خان کی درخواست پر ایڈمن جج عبہر گل نے اجازت دی۔ عمران خان کا آج لاہور ہائی کورٹ میں بھی پیش ہونے کا امکان ہے- انہیں لاہور ہائی کورٹ میں ظل شاہ کیس میں ضمانتی مچلکے جمع کرانے ہیں۔
