سابق وزیر اعظم آزاد کشمیر سردار تنویر الیاس کی ڈپلومیٹک پاسپورٹ استعمال کرنے کے کیس میں ضمانت منظور، فوری رہا کرنے کاحکم دیدیا۔
ڈسٹرکٹ اینڈ سیشن کورٹس اسلام آباد نے سابق وزیر اعظم آزاد کشمیر سردار تنویر الیاس کی ڈپلومیٹک پاسپورٹ استعمال کرنے کے کیس میں ضمانت منظور کرلی۔
جوڈیشل مجسٹریٹ عباس شاہ نے ایک لاکھ روپے کے مچلکوں کے عوض ضمانت منظور کی۔عدالت نے سردار تنویر الیاس کو رہا کرنے کا حکم دے دیا۔
وکیل سردار تنویر الیاس نے کہاکہ ان دفعات کے تحت زیادہ سے زیادہ سزا تین سال ہے ، ملزم کو ضمانت ملنی چاہیے۔پاسپورٹ بھی واپس کردیا ہے۔
ایف آئی اے حکام نے ریکارڈ عدالت میں پیش کردیا۔
ایف آئی اے پراسیکیوٹر نے سردار تنویر الیاس کی ضمانت کی مخالفت کردی۔ سردار تنویر الیاس جوڈیشل ریمانڈ پر اڈیالہ جیل میں ہیں۔
