دنیا کے امیر ترین شخص ایلون مسک کی کمپنی اسپیس ایکس میں ایک نئے سافٹ ویئر انجینئر اپنی ذمہ داری ادا کرنے کو تیار ہیں۔
کیرن قاضی کی عمر چودہ سال ہے۔ اور وہ سان فرانسسکو کی سانتا کلارا یونی ورسٹی سے گریجویٹ ہیں۔ لنکڈن کی ایک پوسٹ میں قاضی نے یہ اعلان کیا ہے کہ وہ اسپیس ایکس کی اسٹار لنک میں کام کرنے کو تیار ہیں۔ اور وہ جلد وہاں بطور سافٹ ویئر انجینئر اپنی خدمات دیں گے۔
اپنی کامیابی کا بتاتے ہوئے کیرن قاضی نے لکھا ہے کہ انہوں نے اسپیس ایکس میں انتہائی شفاف، تکنیکی طور پر چینلجنگ لیکن دلچسپ انٹرویو کے عمل کو پاس کیا ہے۔
لنکڈن کی تفصیلات کے مطابق کیرن قاضی کے پاس فارچیون 100 ٹیکنالوجی کمپنی میں کئی سالہ تعاون اور وی سی کی حمایت یافتہ سمر انٹرن شپ کے ذریعے مصنوعی ذہانت اور مشین لرننگ کا تجربہ بھی حاصل ہے۔
صرف نو سال کی عمر میں، قاضی نے لاس پوزیٹاس کمیونٹی کالج میں داخلہ لیا۔ قاضی نے سب سے زیادہ امتیاز کے ساتھ ایسوسی ایٹ آف سائنس (ریاضی) میں ڈگری حاصل کی ہے۔
کیرن قاضی سانتا کلارا یونیورسٹی میں اپنے شروع کے دنوں کو یاد کرتے ہوئے کہتے ہیں کہ آغاز میں یہاں لوگ واقعی بہت دلچسپ تھے۔ لیکن گذشرت دنوں کے ساتھ نیا پن ختم ہوگیا۔ اور اسے یوں لگا جیسے وہ اسے عام آدمی سمجھتے ہیں۔
ایلون مسک نے ٹوئٹرکی نایاب چیزوں سمیت کمپنی کا سامان بیچ ڈالا
میڈیا ذرائع کے مطابق، قاضی کے والدین نے کہا کہ وہ دو سال کی عمر میں مکمل جملے بول رہا تھا۔
قاضی کا کہنا ہے کہ تیسری جماعت کے دوران میرے اساتذہ، میرے والدین کے لیے بالکل واضح ہو گیا تھا کہ مرکزی دھارے کی تعلیم میری تیز رفتار سیکھنے کی صلاحیت کے لیے صحیح راستہ نہیں ہے۔
قاضی نے اپنے سرپرستوں کا شکریہ ادا کیا۔ انہوں نے کہا میں ہمیشہ شکر گزار ہوں کہ جن کمپنیوں نے میری قدر کو پہچانا، میری صلاحیتوں پر بھروسہ کیا، اور میری ترقی میں سرمایہ کاری کی۔
