امریکی خلائی ادارے ناسا نے ایک لاکھ سے زائد تصاویر پر سیارہ مریخ کا نہایت تفصیلی نقشہ جاری کیا ہے جو اب تک سرخ سیارے کی سطح کا سب سے تفیصلی نقشہ بھی ہے۔
ناسا کے ڈیٹا کو استعمال کرتے ہوئے کیلی فورنیا انسٹی ٹیوٹ آف ٹیکنالوجی (کیل ٹیک) کے ماہرین نے استعمال کیا ہے۔ اس میں ایک پکسل 16 فٹ یا 5 میٹر کو دکھاتا ہے اور اسے قریباً مکمل نقشہ قرار دیا گیا ہے۔
’پلینٹ نائن‘ کے گرد 20 تپتے چاند کی موجودگی کا امکان
ناسا کے شاندار مارس ریکونیسنس آربٹر(ایم آراو) کا شکریہ جس نے مسلسل 17 برس تک مریخی نچلے مدار میں رہ کر 99.5 سیارے کی تفصیلی نقشہ کشی کی ہے۔ جب ڈجیٹل تصاویر کو جوڑا گیا تو کل 5.7 ٹریلیئن پکسل بنے جس میں مریخی سطح کی 5 میٹر سطح یا کسی بھی نقش کو آسانی سے دیکھا جاسکتا ہے
چین میں لامحدود وقت تک ہوا میں رہنے والے لیزرڈرون کا تجربہ کامیاب
دوسری جانب یہ مریخ کا سب سے واضح اور صاف سطحی نقشہ بھی ہے۔ نقشہ ایک گھومتے ہوئے گولے سے شروع ہوتا ہے لیکن زوم کرتے وقت کبھی کبھی تصاویر پھٹ جاتی ہے۔ لیکن زوم ان کرتے ہوئے آپ پہاڑیاں، گھاٹیاں، گڑھے اور ہموار میدان بہت تفصیل سے دیکھ سکتے ہیں۔
غلطی سے ڈیلیٹ کیا گیا مسیج اب دوبارہ واٹس ایپ چیٹ ونڈو پر واپس لانا ممکن
ایک مقام پر یوں محسوس ہوتا ہے کہ آپ گویا مریخ پر کھڑے ہیں اور اطراف میں ناہموار خدوخال موجود ہیں۔ لیکن اگرآپ صرف اہم مقامات کی سیر کرنا چاہتے ہیں تو اس کے شارٹ کٹ نیچے کی جانب موجود ہیں۔
اس کے علاوہ کیوروسٹی، اوپرچیونٹی، اسپرٹ اور پریزرورینس روور (مریخی گاڑیوں) کے مقامات کو دیکھنا چاہتے ہیں تو یہ سہولت بھی موجود ہے۔ اس کے علاوہ جہاں جہاں سے یہ خلائی گاڑیاں گزری ہیں وہ راستے بھی نوٹ کئے جاسکتے ہیں۔ علاوہ ازیں مریخ کا مشہور پہاڑ اولمپس بھی آپ کا منتظر ہے۔
گوگل نے 2022 کے لیے پاکستان میں مقبول ترین سرچز کی فہرست جاری کردی
واضح رہے کہ اس نقشے کی تیاری میں کسی ممکنہ غلطی سے بچنے کے لیے بطورِ خاص الگورتھم بنایا گیا ہے۔ اسی الگورتھم نے تصاویر کو جوڑ کو ایک کرے کی شکل دی ہے۔ بلاشبہ یہ ایک شاندار کاوش ہے۔
