سمرفس فٹبال کلب نے فٹسال چیمپئن شپ2022 اپنے نام کر لی- فٹبال کلب اسمرفس(Smurfs) نے فٹسال چیمپئن شپ 2022 انڈر 16 (بوائز) جیت لی-
فسٹال چیمپئن شپ کے مقابلے لاہور کالج آف آرٹس اینڈ سائنسز کے ڈی ایچ اے کیمپس میں منعقد ہوئے۔ چیمپئن شپ میں اسلام آباد اور راولپنڈی فٹ بال کلبوں کی مجموعی طور پر 16 فٹ بال ٹیموں نے حصہ لیا۔
فیس بک پیچ کے لیے یہاںکلک کریں
انڈر 12 چیمپئن شپ میں چار ٹیموں نے حصہ لیا۔ انڈر 12 چیمپئن شپ میں ماڈل ٹاؤن ایف سی نے پہلی پوزیشن حاصل کی جبکہ اسمرفز رنر اپ رہی۔
اختتامی تقریب سے خطاب کرتے ہوئے، ہیڈ مسٹریس LACAS DHA کیمپس، سعدیہ ایم مغل نے کہا کہ “صحت اور سرگرمی کے فوائد کے علاوہ، کھیل ہمیں زندگی کے ہر شعبے میں فائدہ پہنچا سکتے ہیں۔
سعدیہ ایم مغل کا کہنا تھا کہ کھیل ہمیں ٹیم ورک کے بارے میں سکھاتا ہے- دوسروں کے ساتھ کیسے چلنا ہے، مشترکہ مقصد کو حاصل کرنے کے لیے مل کر کیسے کام کرنا ہے۔ کھیل اعتماد اور ذمہ داری کے بارے میں بھی ہے اور کامیابی اور ناکامی سے کیسے نمٹا جائے-
تقریب کے اختتام پر جیتنے والی ٹیموں میں انعامات تقسیم کیے گئے-
