کورکمانڈر کوئٹہ لیفٹیننٹ جنرل سرفراز علی سمیت ہیلی کاپٹر پر سوار تمام چھ فوجی افسران شہید ہوگئے۔
آئی ایس پی آر کے مطابق شہدا میں میجر جنرل امجد حنیف ستی اور بریگیڈیئر محمد خالد شامل ہیں۔ افسوسناک حادثے میں پائلٹ میجر سعید احمد، کو پائلٹ میجر طلحہ منان اور نائیک مدثر نے بھی جام شہادت نوش کیا۔
یہ بھی پڑھیں:سیلابی ریلوں نے بلوچستان، پنجاب، سندھ اور خیبر پختون خوا میں تباہی مچا دی
آرمی ایوی ایشن ہیلی کاپٹر کا ملبہ لسبیلہ کے علاقے موسیٰ گوٹھ سے ملا ہے۔ ابتدائی تحقیقات کے مطابق حادثہ خراب موسم کے باعث پیش آیا ہے۔
گزشتہ روز آرمی ایوی ایشن ہیلی کاپٹر کا ایئر ٹریفک کنٹرول سے رابطہ منقطع ہوگیا تھا۔ ہیلی کاپٹر فلڈ ریلیف آپریشن میں حصہ لے رہا تھا۔
