گجرپورہ کیس کا مرکزی ملزم پولیس نے گرفتار کرلیا۔ ملزم عابد کی گرفتاری کی تصدیق معاون خصوصی شہباز گل نے کردی.
گجرپورہ واقعے کا مرکزی ملزم عابد ملہی پولیس نے فیصل آباد میں دھر لیا۔ ذرائع کے مطابق ملزم کو فیصل آباد سے لاہور منتقل کیا جارہا ہے۔
معاون خصوصی وزیراعظم شہباز گل نے ٹوئٹر پیغام میں گرفتاری کی تصدیق کردی۔۔ کہتے ہیں انشاءاللہ ملزم عابد ملہی کو قانون کے مطابق سزا دی جائے گی۔
اس سے پہلے کیس میں ملوث ملزم شفقت کو پولیس نے اپنی حراست میں لیا تھا۔
عابد ملہی گرفتار ہو گیا ہے۔ انشااللہ قانون کے مطابق سزا ملے گی۔
— Dr. Shahbaz GiLL (@SHABAZGIL) October 12, 2020
نو ستمبر کو لاہور کے علاقے گجرپورہ میں خاتون کو اجتماعی زیادتی کا نشانہ بنانے کا واقعہ پیش آیا۔ دو افراد نے موٹر وے پر کھڑی گاڑی کا شیشہ توڑ کر خاتون اور اس کے بچوں کو نکالا، موٹر وے کے گرد لگی جالی کاٹ کر سب کو قریبی جھاڑیوں میں لے گئے اور پھر خاتون کو بچوں کے سامنے زیادتی کا نشانہ بنایا۔
