وزیراعظم عمران خان کہتے ہیں نوازشریف پاکستان کےخلاف خطرناک کھیل کھیل رہے ہیں، وہ بھارت کے ایجنڈے پر کام کررہے ہیں،بھارت پاکستان کو کمزور بنانا چاہتا ہے۔ نوازشریف سے پوچھا جائے انہیں فوج سے کیا مسئلہ ہے۔
اپنے ایک انٹرویو میں وزیراعظم عمران خان نے نوازشریف کو تنقید کا نشانہ بنایا۔ کہا اپوزیشن کا مائنڈ سیٹ جمہوری نہیں.
نوازشریف کرپشن کرنےکیلئے حکومت میں آتے ہیں۔ سابق وزیراعظم نے عدلیہ اور دیگر اداروں کو کنٹرول میں رکھا. نوازشریف امیر المومنین بننا چاہتے تھے، ان کی ہر آرمی چیف سےلڑائی رہی.
وزیر اعظم کا کہنا تھا کہ نام نہاد جمہوریت پسندوں نے ملکی ادارے تباہ کردیے۔ نوازشریف بے شرمی سے جھوٹ بول کر گئے۔ کہ بیماری کی وجہ سے ان کی جان کو خطرہ ہے۔۔ اور اب لندن میں بیٹھ کر اپنا پیسہ بچانے کے لیے پاکستان کے اداروں کو بدنام کررہے ہیں۔
وزیراعظم عمران خان نے اپوزیشن کو واضح پیغام دے دیا، آرمی چیف کی ملاقات
وزیراعظم کا کہنا تھا کہ نوازشریف باہر بیٹھ کر فوج اور عدلیہ کے خلاف باتیںکررہے ہیں. وزیراعظم کا کہنا تھا کہ نوازشریف نے اتنے جھوٹبولے کہ لگنے لگا کہ ابھی ان کی موت ہوجائے گی اور یہ حکومت کے گلے پڑے گی.
وزیراعظم کا کہنا تھا انسانی ہمدردی کی بنیادوںپر نوازشریف کو علاج کے لیے باہر جانے کی اجازت دی گئی.
